Watu wengi wanapenda kusema nitafanya kesho au nitafanya baadae, je wewe ni mmoja kati yao?.
Soma zaidi Huu ndio ugonjwa hatari kwa mafanikio yako
Muda ni sehemu kubwa kabisa katika mafanikio yetu, kitu kikubwa ni kwamba muda ukipita haurudi tena katika maisha yako hivo ukiutumia vibaya utazidi kuwa masikini. Tofauti kubwa iliyopo kati ya waliofanikiwa na wasiofanikiwa ni katika matumizi ya muda, waliofanikiwa wanatumia Muda wanaoupata kutekeleza mambo yanayowaletea mafanikio, lakini wasiofanikiwa wanapenda kusema "muda bado upo nitafanya baadae au kesho".
Tatizo ulilonalo ni kusema nitafanya baadae au kesho, hilo ndilo tatizo kubwa lililokufanya mpaka leo uwe hapo ulipo, unapenda kuhairisha mambo (procrastination) hivo kila siku unasema nitafanya kesho nitafanya kesho mpaka mwaka unaisha unabaki vile vile unapiga hatua kurudi nyuma.
Mpendwa Rafiki muda wa kufanya kazi ni sasa weka juhudi zaidi katika siku yako ya leo panga mambo yako vizuri na tekeleza kwa wakati uliopo, usisubiri kesho wala baadae muda wako ni sasa hakuna muda mwingine wa kutekeleza majukumu yako. Soma zaidi Vitu unavyopaswa kuviacha kama unataka kufanikiwa
Tumia muda wako vizuri kwa kuwa utakapouchezea muda utakuja kujutia, kama sheria ya sababu na matokeo(law of cause and effect), chochote ukifanyacho tarajia matokeo yake, wewe ndiye muamuzi mkubwa wa maisha yako ukitaka mabadiliko amua leo fanya kazi jibidiishe leo usiingoje kesho maana kesho huijui.nikutakie siku njema na jitihada njema za kuhakikisha unafanikiwa.
Mwandishi: Fanuel Mwasyeba
Mawasiliano: +255717262705/+255683636572
Email. :fanuelmwasyeba@gmail.com